. رمسيس الثاني مش فرعون موسى

. مفيش حاجة اسمها اللغة الهيروغليفية الهيروغليفي خط مش لغة اسمها اللغة المصرية القديمة بخطوطها الاربعة هيروغليفي وهيراطيقي وديموطيقي وقبطي

. رمسيس الثاني مش فرعون موسى

. مصر فيها أكتر من ١٠٠ هرم في أماكن كتير بعضها مكتمل والباقي لا ، مش أهرامات الجيزة بس

. رمسيس الثاني مش فرعون موسى رمسيس مات بعد ما تجاوز التسعين ، عنده أكتر من ١٠٠ ولد و بنت آثاره في كل حتة بره و جوه مصر !

. الملكة نفرتيتي ملهاش مقبرة ولا موميا لحد دلوقت وبندور عليها ، فأي بوست عن شكلها بناءا علي موميائها هبد

. رمسيس الثاني مش فرعون موسى

. مفيش حاجة اسمها عروسة النيل دي أكتر كدبة عن الحضارة المصرية و بدأها هيرودوت وكبرها وزود عليها المؤرخين العرب فكل القصص المبنية عليها كدب الحضارة المصرية معندهاش قرابين بشرية الكلام ده عند المايا والاوزتيك مش احنا !

. رمسيس الثاني مش فرعون موسى

. اللي قسم التاريخ المصري لأسرات وعصور كان المؤرخ المصري مانيتون السمنودي في عصر البطالمة

. رمسيس الثاني مش فرعون موسى

. زواج الإخوة كان في حالات معينة في الأسرة الملكية المصرية حفاظا على الدم الملكي يعني ال ٥٥١ ملك اللي حكموا مصر مش كلهم اتجوزوا اخواتهم وطبعا الكلام ده مكنش موجود عند عامة الشعب !

. رمسيس الثاني مش فرعون موسى

. في ٢٠١٠ خضع الملك توت عنخ امون لفحوصات ال DNA وقدرنا من خلاله نعرف انه ابن الملك اخناتون وسيدة مجهولة معروفة بالسيدة الصغري وقدرنا نتعرف علي هوية اخناتون نفسه

. رمسيس الثاني مش فرعون موسي

. الملك بيبي الثاني جلس علي عرش مصر وعمره ٦ سنين وحكم لمدة ٩٥ سنة وتعتبر من أطول فترات الحكم في التاريخ لكن انتهي عهده بثورات وفوضى عارمة أدت لغرق مصر في الظلام والخراب لعشرات السنين والمعروف بعصر الاضمحلال الأول

. رمسيس الثاني مش فرعون موسى

. الملك تحتمس الثالث دخل أكتر من ١٧ معركة كبرى ومتهزمش علي الإطلاق ومش بس كده ده كمان صاحب أعظم امبراطورية في العالم القديم لدرجة انه كان بياخد أولاد الحكام الخاضعين ليه يربيهم عنده عشان يضمن ولائهم وأصبح قدوة للملوك من بعده وخصوصا رمسيس الثاني

. وأخيرا و ليس آخرا رمسيس الثاني مش فرعون موسى

افتخروا بحضارتكم 🖤